PANTUN BANJAR

Contoh Pantun Dalam Bahasa Banjar (OLEH  WAHDI ASAM-ASAM MUARA):

PANTUN TATANGGUHAN

Raup pudak  di pinggir sungai
Pudak-pang layu  jangan dibawa
Hidup dipatak  mati diungkai
Siapa nang tahu  ngaran bandanya
                                                       BATERAI

Handak bamalam  kayah mintuha
Tilam basah  guring di ambal
Banyak ayam  nang ada di dunia
Ayam apakah  nang paling ganal?
                                                      AYAM SEMESTA

Nasi putih buang nang basi
Makan katupat hirisakan bilungka
Batopi putih lainpang haji
Basaragam coklat lain pramuka
                                                      PATUNG POLISI

Abah sapiring  mamakan nasi
Mama jualah  nang bahimat mamakannya
Suahkah taguring  di dalam taksi?
Tahukah apa nang manyababkannya?
                                                              BANNYA BULAT

Mara ka Pasir  manunti mintuha
Sudah ditunti  hilang urangnya
Kada bisa bapander  tapi bisa basuara
Bisa manuruti  apa nang urang kuya
                                                     MICROFON + SPEAKER

Ka palangkaraya  tulak malunta
Enam bulan  kadada kolehan jua
Andakannya  ada di awak kita
Siang malam  kaributan haja
                                                       BULU HIDUNG


PANTUN MUSIM HUJAN

Macan kurus mamakan siput
Kuda tanganga kasasiur takajut
Hujan tarus wan angin ribut
Kada kawa ka mana-mana haur tasirukut

Gatah pinus bawa ka Gambut
Matan Mandiangin hanyar mangukut
Di rumah tarus awak asa liut
Manapulang dingin lapar tarus parut

Bajalan lurus kawanan samut
Kawanan tikus jalan di got
Biar hujan tarus rejeki mudahan kada surut
Biar bamamakan tarus mudahan kada bangkrut

Mara ka kuin anginnya ribut
Hari manggarugum awan bakabut
Pabila dingin bawa bapagut
Siti Mikropon jangan diigut